إزاي تعرف اللابتوب المناسب و الغير مناسب ليك

أول حاجة هتستخدم اللاب في إيه ؟

علشان نعرف الإستخدام بيتحدد إزاي هيكون قدامنا 3 تصنيفات للإستخدام :

1- استخدام بسيط بيشمل : تصفح الإنترنت متابعات الإيميلات تشغيل أفلام أغاني وخلافه وبعض البرامج الخفيفة زي office

2- استخدام متوسط بيشمل : الدراسة. برامج العمل المتوسطة زي فوتوشوب بجودة متوسطة. ألعاب زي PES 2018 و GTA V و Fortnite بجودة متوسطة

3- استخدام عالي بيشمل : لابات الجيمنج في المقام الأول اللي بتستهدف ألعاب زي Assassins Creed Odyssey و COD Modern Warfare بجودة عالية. لابات لبرامج الجرافيك زي Premiere Pro و 3D MAX لشغل ال 4K.

كده حددنا إحنا تبع أي فئة

بالنسبة لفئة الاستخدام البسيط

1- اللاب مش لازم يحتوي على كارت شاشة خارجي ( Nvidia – AMD ) يكفي كارت intel الداخلي.

2- بيكون معالج كور i3 كويس جدا. و ممكن Quad Core أو Core 2 Dou.

3- سعر اللابتوب في الفئة دي بيتراوح ما بين 1500 إلى 3500 حسب جيل اللاب طبعا.

نيجي للإستخدام المتوسط :

1- لازم كارت الشاشة الخارجي يكون موجود ( Nvidia – AMD ) ودا هنتكلم عنه في مقال لوحده.

2- البروسيسور لازم يكون i5 ولو الميزانية تسمح ممكن i7.

3- سعر اللاب في الفئة ديه بيتراوح بين 4000 الى 7000 حسب الحالة وجيل المعالج.

آخر حاجة هي الإستخدام العالي :

ديه بتنقسم لفئتين : ( ألعاب أو جرافيك )

A- لابات الألعاب أو الجيمينج :

1- دي بيكون البروسيسور بتاعها من فئة الHQ أو H بداية من الجيل السادس وممكن MQ.

2- طبعا بيكون بكروت شاشة GTX أو ما يوازيه في كروت AMD.

3- أسعارهم بتبدأ من 12000 لحد إلى ما لا نهاية ( أيوة إلى ما لا نهاية )

B- لابات برامج الجرافيك ( وورك ستيشن ) :

1- لازم البروسيسور يكون MQ أو HQ أو أي بروسيسور فيه عدد كورز و ثريدز عاليين.

2- لازم الكارت يكون Nvidia Quadro  أو AMD FirePro أو طبعا كروت ال RTX.

3- أسعار اللابات في الفئة ديه بتتراوح بين 12000 لحد 30000 جنيه.

لمزيد من المقالات مثل هذا المقال, إضغط هنا

لو عندك أي سؤال بخصوص اللابتوب إبعته عالصفحة بتاعتنا عالفيس من خلال الرابط دة

https://www.facebook.com/Altyseer.Co/?view_public_for=102044821178697