قبل ما نبدأ خلينا متفقين إن كل القطع الموجودة في التجميعة ديه قابلة للتغيير أو التعديل لأي
قطعة أخرى و يمكن إختيار قطعة أرخص من أجل إستثمار ثمنها في قطعة أخرى
لشراء أي قطعة من هذه التجميعة إضغط على صورة ( إشتري الأن )
1- البروسيسور + كارت الشاشة :
لأن ديه تجميعة إقتصادية من الدرجة الأولى كان لازم نختار بروسيسور مع كارت شاشة مدمج جواه عشان كدة إخترنا :
Amd Ryzen 5 3400G 4-Core
دة بروسيسور من رايزن بسوكيت AM4 بييجي بعدد 4 كور و 8 ثريد و بتردد 3.7 GHz يصل إلى 4.2 GHz
بييجي بكاش 4 ميجا و بيحتاج من الطاقة 65 وات
بييجي معاه كارت شاشة داخلي إسمه Radeon Vega 11
السعر : 2887 جنيه
2- اللوحة الأم ( Motherboard ) :
طبعا لأن ديه تجميعة إقتصادية, كان لازم نختار مازر بورد إقتصادية بس في نفس الوقت تكون مواصفاتها كويسة فقررنا نختار :
Asus EX-A320M-Gaming Motherboard
اللوحة هنا بتدعم بروسيسورات AMD بسوكيت AM4
بتقبل لحد 64 جيجا رام من فئة DDR4 لحد تردد 3200 ميجا هرتز و كمان بتقبل 1 هارد SSD M.2
السعر : 1199 جنيه
3- الرام :
طبعا لأن ديه تجميعة فئة إقتصادية قررنا نخلي الرام 8 جيجا لكن بتردد عالي عشان السرعة و إخترنا :
Ballistix Sport LT 3200 MHz
الرام هنا بمساحة 8 جيجا و تردد 3200 ميجا هرتز
السعر : 699 جنيه
4- هارد SSD :
تجميعة زي ديه مكنش ينفع منحطش فيها هارد SSD و دة عشان السرعة الرهيبة اللي بيزود بيها الجهاز و هنا إخترنا :
SU630 240GB 3D-NAND SATA 2.5 Inch
بمساحة 240 جيجا بايت
بييجي بسرعة قراءة 520 ميجا بايت في الثانية و سرعة كتابة 450 ميجا بايت في الثانية
السعر : 699 جنيه
5- الكيسة و الباور سبلاي :
عشان الفلوس تكفي قررنا نختار كيس للكمبيوتر يكون معاها باور سبلاي و كمان بتهوية كويسة فإختارنا :
Coolermaster Cmp 500 + Power Supply 600W
بتقبل مازر بورد حتى حجم ATX و بييجي معاها مروحة خلفية و مروحة أمامية مضيئة باللون الأحمر
و بييجي معاها باور سبلاي 600 وات
كدة تكون التجميعة بتاعتنا خلصت
سعر التجميعة بالكامل هو 7061 جنيه
التجميعة دي تنفع معاها مونتاج خفيف واستريم علي مااجيب كارت شاشة كمان ؟ وتنصحني بكارت شاشة ايه
التجميعة هتأدي معاك الغرض و زيادة لحد ما تجيب كارت تاني
و لو قدرت تجمع فلوس بعد فترة فأنصحك تجيب RX 5500 xt أو GTX 1650 Super
تمام شكرا ليك
هل الكيسة الcmp520 احسن من 500
طبعا ال CMP520 أحسن من حيث الشكل و التهوية و لكن هي بردو أعلى في السعر و مش بييجي معاها باور سبلاي فبالتالي لازم تضيف على التجميعة حوالي 600 جنية للباور و حوالي 300 جنية زيادة سعر الكيسة
هو انا عايز روابط لكل الحاجات دي يا صحبي بس مش من على جوميا ممكن
لو سمحت انا عاوز تجميعة حوالي 10 الف جنية للكيسة تكون للالعاب بحيث ما بتهنجش لما اعمل ستريم مع اللعبة ولايف والكلام دة
لو سمحت انا عاوز تجميعة حوالي9 او 10 الف جنية للكيسة تكون للالعاب بحيث ما بتهنجش لما اعمل ستريم مع اللعبة ولايف والكلام دة