هل مفيش لابتوبات تاني في الفئة الاقتصادية؟!
ناس كتير بعد ارتفاع الدولار بقت حاسة إن مبقاش فيه لابات كويسة في الفئة الاقتصادية. أو بمعنى أصح، اللابات المتوفرة في الفئة ديه هتكون ضعيفة جدًا، والمستخدِم مش هيقدر ياخد الأداء اللي كان بياخده من الفئة سعرية ديه.
ولكن الحقيقة إن لسة فيه لابات كويسة في الفئة السعرية ديه.. ولو أنت حابب تشتري لابتوب سواء كان استخدامك برمجة ومونتاج، أو استخدامات مكتبية خفيفة فلا يزال فيه لابتوبات كويسة جدًا في الفئة الاقتصادية. وفي المقال ده هنعرفك على أفضل 3 لابات مستعملين تقدر تشتريهم في الفئة السعرية الي تحت ال 5000 جنيه..
الجهاز الأول:
LENOVO THINKPAD T460
والجهاز ده هتشتريه في حالة إنك عاوز لابتوب تحت ال5000 جنيه، يكون بيتميز بحاجتين:
1- إن وزنه يكون خفيف جدًا بحيث لو أنت بتتحرك كتير أو بتاخده معاك الشركة أو الجامعة. وده لإن وزن الجهاز 1.7 كيلو بس، وده من أخف الأجهزة اللي في الفئة السعرية ديه.
2- الجهاز بيجي ببطارييتين واللي بيخلوا الجهاز يشتغل متواصل فوق ال4 ساعات!
الجهاز الثاني:
HP ProBook 645 G3
والجهاز ده نقدر نسمّيه بديل اللابتوب HP EliteBook 745 G4 وده عشان مواصفاته هي نفسها بالظبط مواصفات اللابتوب HP EliteBook 745 G4 إلا شوية في الشكل.. ولكن هيفضل من أفضل أجهزة الفئة السعرية ديه لإنه وزنه خفيف جدًا (1.9 كيلو)..
الجهاز الثالث:
Dell Precision M6600
وده هو أعلى أداء ممكن تاخده تحت سعر 5000 جنيه بدون منافس! ولابتوب Dell Precision M6600 ممكن يكون شكله وحجه مش أفضل اختيار، ولكن لو احتياجك محتاج أداء عالي وشغل جرافكس برمجة وألعاب، فده هو أفضل حاجة في الفئة السعرية ده..
